Postimi origjinal është bërë nga Ummu Abdullah Ferati

Ato(sprovat) të cilat unë kamë mundur ti gjej me ndihmen e Allahut, elhamdulilah, janë gjastë. E shoh që këto sprova të mëdha ndahen të degëzuar në shumë sprova tjera. Allahu a'lem
Allahu na bëftë nga të zotet e mendjes që të marrim mësim nga këto sprova: "Në tregimet e tyre (të dërguarve dhe të Jusufit me vëllezër) pati mësime e përvojë për të zotët e mendjes." Jusuf, 111



1. Ndarja nga familja/prindërit në moshë të re:
"Thanë: "O babai ynë, ne shkuam të bëjmë gara, e Jusufin e lamë te teshat tona dhe atë e kishte ngrënë ujku. Ti nuk do të na besosh neve, edhe po të jemi të vërtetë!." Jusuf, 17


2. Hedhja e tij në bunar/pusë nga vëllezërit(më të afërmit e tij):
"Njëri prej tyre tha: "Mos e mbytni Jusufin, e në qoftë se jeni për të bërë diç, lëshojeni atë në fund të bunarit, do ta marrë atë dikush prej udhëtarëve". Jusuf, 10
"Pasi që ata shkuan me të dhe vendosën ta vënë në fund të bunarit, Ne i shpallëm: "Ti do t'i njoftosh ata për këtë vepër të tyre, e duke mos ditur ata (do të vijë koha t'ju thuash për këtë vepër e ata nuk do të dinë se ti je Jusufi)." Jusuf, 15


3. Shitja e tij si rob me një qmim të ulët:
"Dhe atypari kaloi një grup udhëtarësh, e e dërguan ujëbartësin (për ujë), e ai e lëshoi kovën e vet (në bunar) dhe tha: "Myzhde! Qe një djalosh!" Ata e fshehën atë si mall tregtie. Po All-llahu e dinte shumë mirë se ç'vepronin ata." Jusuf, 19
"Dhe e shitën atë (Jusufin) për një çmim të vogël, për disa dirhemë (masë argjendi) të numëruar, sepse në mesin e tyre pati asish që nuk lakmuan (për çmim më të lartë)." Jusuf, 20


4. Ekspozimi i joshjes seksuale të gruas së ministrit (i cili e bleu Jusufin aljehi selam):
"E ajo, në shtëpinë e së cilës ishte Jusufi, i bëri lajka atij dhe ia mbylli dyert e i tha: "Eja!". Ai (Jusufi) tha: "All-llahu më ruajtë, ai zotëriu im (e burri yt) më nderoi me vendosje të mirë (si mud t'i bëj hile në familje)?". S'ka dyshim se tradhtarët nuk kanë sukses." Jusuf, 23


5. Akuzimi për nderin e tij që rezultoj në burgosje të pafajshme:
"Mandej, pasi që vërtetuan argumentet (e pastërtisë së Jusufit), atyre (ministrit dhe rrethit të tij) iu paraqit ideja që atë për një kohë ta burgosin." Jusuf, 35
"Ai (mbreti) tha: "Çka ishte puna juaj kur ju vetë e dëshiruat (iu vërsulët) Jusufin?" Ato thanë: "Zoti na ruajt, ne nuk dimë ndaj tij asnjë të keqe!" Gruaja e ministrit tha: "Tash doli në shesh e vërteta, e unë iu vërsula atij me dashuri, e ai është nga të drejtit!" Jusuf, 51


6. Falja e tij për vuajtjet që ia shkaktuan vëllëzërit e tij padrejtsisht, duke mos u hakmerrë:
Ata thanë(vëllezërit): "Pasha All-llahun, është e vërtetë se All-llahu të ka lartësuar mbi ne, kurse ne vërtet ishim fajtorë!"
Ai (Jusufi alejhi selam)tha: "Sot nuk ka qortim kundër jush, All-llahu ju faltë juve; Ai është më mëshirues i mëshiruesve!." Jusuf, 91-92